Turnà à leghje à Intricciate è cambiarine : da a pulinumia à a standardizazione ? : ortugrafia

U travagliu ch'è vo scuprarete quì si vole una rilittura, una rivisione critica di u manuale d'ortugrafia Intricciate è cambiarme, publicatu in lu 1971 da Pasquale Marchetti è Dumenicu Antone Geronimi...Unu di i so meriti tamanti hè statu d'avè portu à tutti, qualvoglia fussi u dialettu di questu o di quellu, un attrazzu chì ugnunu u pudissi fà soiu senza tradì a so manera di parlà, di sprimesi, senza impone una norma unica di l'usu à bocca ma purghjendu invece un modu capiscitoghju è lindu di mette ciò ch'omu dice in lettare, parolle, frase è discorsi scritti.Pè lu più, saranu ripigliate tal'è quale e regule prisintateci tandu. Ma saranu state passate à i sette stacci, chì tandu mancavanu, quelli di a linguistica...Dunque solu saranu avanzate pruposte chì si pensa ch'elle ghjovinu da migliurà certi particulari ma senza purtà dannu in varuna manera à i principii escinziali di quellu manuale di l'origine.